ETI DIAMOND ALIMFUMANIA WEMA MPAKA AKACHOKA

Jamani eti Naseeb Abdul Jumaa a.k.a ‘Diamond’ amefyatuka mambo makubwa juu ya uhusiano wake wa kimapenzi na Wema Isaac Sepetu kuhusu yeye kumfumania mara kibao na majamaa tofauti.Diamond alisema kwa muda mrefu amekuwa mkimya akikwepa kuzungumzia uhusiano wake na Wema, lakini sasa ni zamu yake.alisema kuwa, katika kipindi cha takribani mwaka mmoja alichodumu kwenye ‘malavu’ na Wema, amejifunza na kushuhudia matukio ya kutisha ya usaliti katika mapenzi yanayomhusu Miss Tanzania huyo wa 2006, mengi yakiwa ni mafumanizi yasiyohesabika.
“Unajua mwanzoni sikupenda kuweka hadharani mambo ya aibu ya Wema kwa sababu nilishatahadharishwa nikajifanya kichwa ngumu nikiamini angebadilika.

“Nikianza na suala la kumfumania kila kukicha akisaliti penzi letu kwa wanaume wengine, nilishamfumania Wema mpaka nikachoka.
“Listi ya wanaume wa Wema ni ndefu, lakini fumanizi kiboko ni lile nililomkuta kitandani kama alivyozaliwa akifanya …(kitu kibaya) na rafiki yangu…(staa wa filamu za Kibongo),” Diamond aliezea kwamba alimvuta pembeni akampa kisago, alimuomba msamaha yakaisha, lakini bado aliendelea na mabwana zake. "Kinachoniuma ni kitendo cha kunitangaza kuwa ameniacha wakati mimi ndiyo nimemuacha."

Kuhusu swala la kurudiana na Wema, Diamond alisema " ameshakuja nyumbani na watu kibao kuniomba msamaha na akalala kwangu, nilimwambia awaombe radhi mashabiki wangu kwa kunichafua ‘then’ sitakuwa na kinyongo moyoni mwangu, nitamsamehe kama binadamu lakini sijui kama tutashirikiana tena mambo ya chumbani".

Kuhusu Uhusiano wake na Jokate Mwegelo, Diamond alikana kwamba hakuwa na uhusiano wowote, " Namheshimu sana Jokate, sijui ningeanzia wapi kumtongoza. Aisee, asikwambie mtu, Wema alimchafua mtoto wa watu bila sababu yeyote na wivu wake wa kimapenzi. Hakuna kitu Jokate anachojuta kama kukubali kufanya video yangu kwani tukio moja tu, lilimharibia vibaya ‘future’ yake".

Kutokana na hali hiyo, mashabiki wengi wa Wema na Diamond wameshauri kwamba kuliko kuchafuana majina na kuharibiana kwenye mitandao tofauti, ni vyema Wema na Diamond wakutanishwe ili haya maswala yamalizike maana wengi hasa vyombo vya habari vinachukua nafasi hii kuuza habari zao kwa watu bila ya Wema na Diamond kufaidika chochote. Ni vyema maswala haya yakaisha baina yao kila mmoja akachukua hamsini zake.